6
FYSIOTERAPEUTEN 4/16
KOMMENTAR
Av
Berit Østerås
, Ph.D.-student, MSc. fysiote-
rapeut, universitetslektor. Norges teknisk-
naturvitenskapelig universitet (NTNU), fakul-
tet for helse- og sosialvitenskap, program for
fysioterapeututdanning.
MUSKEL-
og skjelettplager reknast som
fysioterapeutar sin primærkompetanse.
Denne kompetansen skal gjelde i alle fasar;
i primær- og sekundærførebyggjande fasar, i
kurativ fase og i rehabiliterande og habilite-
rande fasar. Muskel- og skjelettplager invol-
verer fleire kroppssystem som alle påverkast
av psykologiske og kognitive faktorar.
Samanhengen mellom kropp og sinn
Vekselverknaden mellom kropp og sinn
(«body and mind») hos individet utgjer ei
funksjonell eining og kan kategoriserast i
nevrofysiologiske, psykofysiologiske, åtferd-
skognitive og åtferdsgenetiske mekanismar.
Desse mekanismane på individnivå påver-
kast igjen av individet sine omgjevnader og
relasjonar. Dette er sentrale mekanismar, det
vil seie mekanismar som involverer sentral-
nervesystemet, det endokrine systemet, det
kardiovaskulære systemet og immunforsva-
ret. I større eller mindre grad er alle desse
systema aktivert ved skade og/eller plage i
muskel- og skjelettapparatet. Jo meir lang-
varige plagene blir, jo meir dominerande
blir dei sentrale mekanismane for symptom-
opplevinga.
Den heilskapelege og integrerte
fysioterapikompetansen
Dermed er det innlysande at ein heilskap-
leg muskel- og skjelettkompetanse også må
omfatte kompetanse om samanhengane/
vekselverknadene mellom kropp og sinn.
Dette gjeld for alle fysioterapeutar, ikkje
berre fysioterapeutar i øyremerka stillingar
innan psykisk helsearbeid. Når vi i tillegg
veit at førekomsten av langvarige muskel-
og skjelettplagar (oftast i kombinasjon med
psykologiske/psykososiale faktorar) er au-
kande; med Noreg på verdstoppen, så er det
eit tydeleg varsku til oss som faggruppe. Den
største auken av slike plager (non-commu-
nicable diseases; NCDs) er mellom unge og
unge vaksne, med dramatiske konsekven-
sar i forhold til tidleg funksjonssvekking
og uføre. Dette medfører ikkje berre store
kostander for individet og samfunnet i dag,
men også for framtidige generasjonar. Vi
veit at langvarige muskel- og skjelettplagar
og psykiske lidingar «arvast», både innan fa-
miliar og i samfunnet generelt. I eit samfunn
der det ikkje er rom for naturlege variasjo-
nar av plager, verken av fysisk eller psykisk
karakter, så er det kort veg til (over)diag-
nostisering, (over)medisinering og (over)
behandling. Desse tiltaka kan i seg sjølv
generere meir sjukdom, både på individ- og
samfunnsnivå.
Dette er kunnskap vi som fysioterapeutar
må ha med oss i fagutøvinga vår, når vi mø-
ter brukarar og pasientar i alle dei ulike fa-
sane. Vi må ha stor og trygg kompetanse om
naturlege variasjonar av plager og normale
vekselverknader mellom kropp og sinn, og
kva som er følgjene av å trosse dette. Som
faggruppe bør vi by på denne kompetansen
frå alle ståstadane våre; i klinikken, i un-
dervising og forsking og i ulike stillingar på
systemnivå, og på den måten kunne med-
verke til å snu den uheldige sjukdoms- og
uførestatistikken.
Ta eit steg tilbake
I praksis vil det mellom anna seie at vi i
større grad må våge å stoppe opp og ta eit
steg tilbake, for at vi sjølve skal få eit betre
og kanskje meir medvite perspektiv på opp-
gåvene eller utfordringane våre. I klinisk
praksis vil dei mest fruktbare oppgåvene
og utfordringane innebere pasientmøte og
samarbeid med pasientar/ brukarar mot fel-
les delmål og hovudmål. I desse situasjonane
kan det vere både tryggast og mest tilfreds-
stillande å vere «flinke fysioterapeutar» og
hjelpe raskt og effektivt. Ofte inneber det
mykje velkjende og automatiserte tiltak retta
mot dei mest iaugefallande symptoma som
pasienten presenterer. Nokre gongar kan
dette føre fram, andre gongar ikkje. Mange
gongar går vi då glipp av vesentleg informa-
sjon, både frå pasienten og i oss sjølve, som
kunne gitt oss ein gunstigare kurs i pasient-
terapeutsamarbeidet. Vi vel gjerne for fort
– for å vere flinke eller for at det er tryggast
eller lettast – og kan då påverke «gale» el-
ler ugunstige mekanismar, i alle fall dersom
målet er at pasienten etterkvart skal kunne
slutte med å vere pasient. Behandlinga eller
pasient-terapeut-samarbeidet bør først re-
knast som ein suksess dersom fysioterapeu-
ten gradvis blir meir og meir overflødig og
pasienten gjenvinn sitt eige sjølvregulerande
potensial.
For at pasienten/brukaren skal kunne
gjenvinne sitt eige sjølvregulerande og hel-
seremjande potensial, så inneber det meir
medvite, ope og innsiktsfullt perspektiv på
eigen situasjon. Dette gjeld for både pasient
og terapeut. Om ikkje vi som terapeutar vå-
gar å sjå oss sjølve, merke og vedkjenne det
som oppstår i oss sjølve i møtet med pasi-
enten, finn vi heller ikkje terapivindauget.
Vi må våge å vere mindre flinke, stoppe opp
og ta eit steg tilbake. Kanskje svaret ligg rett
framfor oss utan at vi ser det. Pasienten/bru-
karen gir oss jo fasiten! Kanskje vi kan med-
verke til å «avpasientifisere» stadig fleire, om
vi vågar å vere mindre flinke og effektive.
Det vil kanskje smitte over på pasientane,
om vi signaliserer ei romslig, raus og venleg
haldning med mindre prestasjonsfokus. Vi
skal ikkje prestere på vegne av pasienten, og
pasienten skal heller ikkje prestere seg frisk.
Vi treng å ta eit steg tilbake – for å kunne
forstå og komme nærmare pasientane/bru-
karane våre og dermed lykkast med sam-
funnsoppdraget vårt. Lykke til!
n
Fysioterapeutar si viktige samfunnsrolle
fag